أغلق جهازك بأى وقت تريده بلا برامج

من طرف **Mohnds** الثلاثاء 06 مايو 2008, 11:49 am

أغلق جهازك بأى وقت تريده وبدون برامج
فقط طريقة بسيطة جداً

مثلاً تكون بتعمل داون لوود لحاجة من ع النت
وعاوز تقفل الجهاز بعد ما يخلص الداون لوود
ووراك مشوار أو عاوز تنام
هانتعلم ازاى تقفل جهازك بعد فترة معينة زى ما تحب

افتح قائمة ابدأ Start
اضغط على تشغيل Run
اكتب الأمر التالى
shutdown -s -t 3600

وخلى بالك من المسافات بين الحروف (نسخها زى ما هى)

3600 دى يعنى 3600 ثانية
1 ساعة = 60 دقيقة = 3600 ثانية

لو عاوز تقفله بعد ساعتين
ساعتين = 120 دقيقة = 7200 ثانية
يعنى تكتب shutdown -s -t 7200

بعد ما تكتب الأمر ده
هيظهرلك رسالة فيها الوقت المتبقى

ازاى نلغى الأمر الى فات
نفترض انك رجعت بدرى ومش عاوز تقفل الجهاز
ما عليك إلا إنك تكتب الأمر ده
shutdown -a

وبكده يبقى ألغيت عملية القفل shutdown

أتمنى تكونو استفدتم
وشكراً