قصيدة عامية بعنوان / كلمه شعر اشرف رفعت خونس

كلمة

شعر / اشرف رفعت خوينس
الكلمه جوا الحلق . لجل الخلق محجوبه . إتحجمت . إتندمت
تطلع تقول الحق. ينشق ليها جبال
تخرس للسان المرائى والراشى والمحتال
واللى يزوق كلامه ويفنن الموال
واللى يماشى الحال
واللى بيسحب لقمته
من جوا بق ضعيف
واللى يزل الفقير
علشان يقاسمه رغيف
واللى بيعمل تقى
ويقول داقلبه نضيف
مع انه محتال . وماشى الحال
وفى كل داهيه نلاقى للباشا ميت موال
ياكلمة صدى وزلزلى
وفككى الأحبال
وحى كل شريف
نصنع له ميت تمثال
أما ال غاوى الأزى
واللى يماشى الحال
واللى تملى يدور
موش لاقى طاقة نور
وشيطانه راح يغويه
وبيكشف المستور
ويبهدل الأشراف
يشهد عليهم زور
عمره ماصدق القول دايمآ يلف يدور
ون مره راح ينكشف
يرجع يشد للحاف
يرجع يبوس الأيادى ويطلب الأنصاف
يارب يفهم كلمتى
اللى عليه القول
ويتوب لربه بنصوحه
وبلاش يعيش مسطول

والحدق يفهم