الى عنده اجابه يقوله

من طرف **lion** الثلاثاء 30 ديسمبر 2008, 8:10 pm

غزة تحت النار
والعرب نايمة ليل ونهار
لحد امتى الحصار
واطفالنا وبيتونا بتنهار

للأسف احنا كبيرنا الصوت الواطى
احنا أخرنا تواطيء
من أجل المصلحة احنا
هدفنا تدمير نفسنا
ومساعدة العدوان للأسف
احنا بنقرأ ونسمع ونشوف
ونستنى فى اغنية نسمعها تهدى جروحنا
نستنى لواحد معلق يصبرنا بكلمتين ويضحك علينا

ياترى المشكله فى مين
فى حماس الى سابت طريق المقاومه وراحت تبحث عن السلطه
ولا المشكله فى فتح الى متمسكه اساسا بالسلطه
ولا المشكله فى مصر الى عايز تحفظ ارضها
ولا فى الناس الى قاعده بتاكل فى بعضها
ولا فى الظابط الى راح دمه هدر على الحدود
ولا ولا ولا
الى عنده اجابه يقوله

امضاء
واحد دمه محروق اوى من الى بيحصل

من طرف **Mohnds** الأربعاء 31 ديسمبر 2008, 1:31 pm

lion كتب:
ياترى المشكله فى مين
فى حماس الى سابت طريق المقاومه وراحت تبحث عن السلطه
ولا المشكله فى فتح الى متمسكه اساسا بالسلطه
ولا المشكله فى مصر الى عايز تحفظ ارضها
ولا فى الناس الى قاعده بتاكل فى بعضها
ولا فى الظابط الى راح دمه هدر على الحدود
ولا ولا ولا
الى عنده اجابه يقوله

حماس سابت المقاومة ؟؟
امال مين اللى بيضرب الصواريخ على اليهود
مين اللى ضرب مستوطنات سديروت وعسقلان وبئر سبع وغيرها
مين اللى بيضرب صواريخ مداها 40 كيلو متر
مين اللى اسرائيل بتحاربها
مين اللى العالم كله وقف ضدها

حماس مسكت السلطة ؟؟
عن طريق انتخابات
والشعب هو اللى اختار
والعالم كله عارض ووقف قدامها
هانيجى احنا كمان ونقف قدامها

مصر كشعب غير مشر كسلطة؟
مصر كشعب محروق دمه ع اللى بيحصل فى غزة
مصر كشعب حزين على حال المسلمين والعرب
مصر كشعب عملاق مقيد لو فكت قيوده لرأيت العجائب
أما مصر كسلطة
منع فتح المعبر
منع المساعدات عن المحتاجين
منع مظاهرات تأييدية لهم
اجتماعات مع الصهاينة
وتصدير الغاز لهم وغيره

حكاية الظابط اللى قتل ع الحدود
واللى كتير من الناس مايعرفش حكايتة
تعمل ايه لو واحد قتل ابنك
كان فيه فلسطينى ع الجدار الحدودى
عاوز مساعدات او بيحتمى فينا من القصف الاسرائيلى عليهم
الظابط المصرى بيضرب نار عليهم
قتل ابن الراجل الفلسطينى
خليه راجل عادى مصرى زي زيك
عاوزه يعمل ايه
يقول لأ دا ظابط مصرى شريف مقاتل و و و
الراجل قتل الظابط انتقاماً لابنه
ودى الحكاية الهامشية الى كتير من الناس
بتكبر الحكايات ع الفاضى من غير ما تعرف الاخبار صح
ياريت نتعرف على الاخبار من كذا مصدر

أرجو زيارة مواقع الاخبار التالية

موقع العربية نت

صوت الأقصى

موقع قناة الجزيرة

BBC العربية

ولا تنسو الدعاء لأهل غزة
فهم بحاجة إليكم

من طرف **lion** الأربعاء 31 ديسمبر 2008, 8:15 pm

ياحبيبى شوف نسبه العمليات الى حماس قامت بها من يوم مامسكت السلطه
والعمليات الى كانت بتعملها قبل ما تدخل السلطه
السلطه التزام ومعاهدات واتفاقيات
وانا من راى ان حماس تسيب السلطه وده موش هينقص من قيمتها شى

اما الظابط فمعلهش ده شغله ولازم يودى شغله حتى لو غلط وانتا عارف الميرى عندنا عامل ازاى
ومستحيل هيضرب على فلسطينى بدون سبب
الفلسطنين لو دخلو سينا هيعدو ومعدوش يطلعو تانى
وحاول تفتكر الى عمله ملك الاردن زمان
اكبر خطا تعمله مصر لو الفلسطنين دخلو سينا
وغير كده ايام لما دخلو وحطمو البوابه بتاع رفح
اسبوع واحد الاسعارف ارتفعت فى الاسبوع ده بطريقه ملحوظه جدا
الناس دى معاه فلوس تشترى مصر بالفيه ياحبيى

اه انا دمى محروق على غزه والى فيها لاكن خايف على بلدى جدا

من طرف **Mohnds** الأربعاء 31 ديسمبر 2008, 11:43 pm

أبرزت صحيفة "يديعوت أحرنوت" الاسرائيلية، صباح اليوم الأربعاء 31/12/2008، ، تقريراً أشارت إلى أن شعبية حركة "حماس" قد ارتفعت بشكل ملحوظ في قطاع غزة.
كما أشارت الصحيفة في تقرير للكاتب "روني شاكيد" الذي تناول فيه الوضع في قطاع غزة، إلى أن من كان يعارض حماس في الأمس قد غير رأيه وبات من مؤيديها اليوم.
وكتبت أن الهجمات الإسرائيلية على قطاع غزة والدمار الذي حصل في القطاع قد عزز من تأييد الشعب الفلسطيني لحركة حماس، مشيرة في هذا السياق إلى أن فلسطينيين كثيرين باتوا من أشد المدافعين عن الحركة، وطالبوا حماس بمواصلة المقاومة

المصدر

كتائب القسام قدم نماذج بطولية وما زالت تقدم فى تصديها للعدوان
من صواريخ أرهبت الصهاينة
ومن إختراق لموجات البث الإذاعى الإسرائيلى
ومن صمود ومقاومة حتى الآن
وليس هذا وحسب بل أيضاً كما قرأت بالأعلى فى جريدة إسرائيلية
عن ازدياد شعبية حماس فى فلسطين

بارك الله فى المقاومة بجميع كتائبها
ووحد صفوفهم وسدد رميهم وثبتهم
وهذا هو الهدف

الى عنده اجابه يقوله

الى عنده اجابه يقوله

رد: الى عنده اجابه يقوله

رد: الى عنده اجابه يقوله

رد: الى عنده اجابه يقوله