من رباعيات صلاح چاهين الجزء الثانى احمد حمدى

من طرف **احمد حمدى** الإثنين 03 أغسطس 2009, 4:33 pm

أحب أعيش ولو في الغابات

أصحي كما ولدتني أمي و ابات
طائر .. حوان.. حشرة .. بشر ..بس أعيش
محلا الحياة.. حتي في هيئة نبات
عجبي !!

سهير ليالي و ياما لفيت و طفت
و ف ليه راجع في الضلام قمت شفت
الخوف ... كأنه كلب سد الطريق
و كنت عاوز أقتله .. بس خفت
عجبي !!

كان فيه زمان سحليه طول فرسخين
كهفين عيونها و خشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبي !!

عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!

رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبي !!!!

ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!

من طرف **إيلياء** الثلاثاء 11 أغسطس 2009, 8:12 pm

جميل جدا ياباشمحاسب ميولك الشعرية يارب تكون محاسب شاعر

من رباعيات صلاح چاهين الجزء الثانى احمد حمدى

من رباعيات صلاح چاهين الجزء الثانى احمد حمدى

جميل يا؟؟؟؟