00 دوار العمدة ) اتفضل يا ( مهندس ) 000

من طرف **حياه الروح** الجمعة 19 نوفمبر 2010, 1:51 pm

اسمحولى اعمل الضيافة دى هنا فى دوار العمدة وفى أشيك مندرة فى الدوار

لسببين مهمين .. الأول ان اللى منورنا انهاردة مش ضيف ده صاحب بيت

والسبب التانى انه ضيف عزيز على يا جماعة وطبعا لازم يكون استقباله مختلف

أهلا وسهلا بيك ابننا وأخونا / المهندس

العضو معانا و منورنا اهلا وسهلا بيه

الف اهلا وسهلا بيك يا مهندس

وكل سنة وانت طيب

وحشتنا

ا المنتدى نور بوجودك

مهندس .. حدثنا عنك .. اجعلنا نرى المهندس من قريب .. تحدث براحتك

بما تحب ان تتواصل به معانا لاننا فى العيد ومش عاوزة اغلس عليك بلقاء نمطى واسئلة وكلام مكرر

علشان كدة قررت انى ما احددش لك نقاط بعينها كالعادة يعنى مثلا يا مهندس

مش عاوزة أقولك

شوف يا مهندس .. مش ناوية أقولك قولنا مثلا اسمك ولا عنوانك ولا حتى عملك

ولا بفكر اسألك عن هواياتك ولا عن ذكرياتك فى عيد الاضحى

مهندس ممكن بعد اذنك تجاوب على كل الاسئلة السابقة دى؟

وبكدة نكون وصلنا لنهاية .......... البداية

ههههههههه

نبتدى بقة الاسئلة على بركة الله

يا ترى بتحب الفتة و لحم الضأن ؟

بس كدة ده انت تؤمر

حالا نعطى أورد ر لمطبخ قريه ميت شريف

مطلوب فورا اجمل طبق فتة مع اللحم الضأن

والحلو جاااااااااهز

والعصير

ونختم بأحلى كوباية شاى بقة بالشاى

كدة بقة ملكش حجة ممكن ندخل على

المجهود الشاق فى الاجابات واحنا

متغذين تمام

كلمنا عن ذكريات طفولتك مع عيد الأضحى وشقاوة الأولاد

كم كانت عديتك وانت طفل وكم فى عمر الشباب؟؟

ايه كانت خطة خروجاتك فى العيد؟

من هو الشخص الذى كنت تنتظر منه العدية اكثر من غيره ؟

هل طقوس العيد فى مصر تختلف عن طقوس البلدان الأخرى ؟

منذ متى لم تحضر العيد مع الأهل ؟ وما هو شعورك ؟ وأمنياتك ؟

لمن توجه هذه العبارات ولماذا ؟

يارب العام القادم تكون على عرفات

وحشتنى جدا جدا

بحمد ربنا الالاف المرات أنه جمعنا

وحشتنى لمتكم والاكل معاكم

لو انت مضحى وعاوز فريق عمل لذبح الاضحية لازم تختارهم من قريه ميت شريف

تختار مين يدبح ؟

يسلخ ؟

يقطعها ؟

يوزع ؟

يطبخ ؟

يأكل

ويا سيدى يجعله عامر يااااااااااااارب

مهندس

كلمة تقولها لأعضاء منتدى قريه ميت شريف

واخيرا نتقدم جميعا اليك بكل باقات التهانى والامانى بالسعادة الدائمة

ونبارك ونقول كل عيد وانته سعيد

وسعداء بتواجدك معانا فى الضيافة

وبالمنتتدى .. وكل عيد وأنت طيب

تقبل من اعضاء المنتدى

حياه الروح

من طرف **Mohnds** الجمعة 19 نوفمبر 2010, 7:51 pm

أهلا ومرحبا ست البيت / حياة الروح
وأشكرك على الترحيب والتقديم الرائع
حياكى الله

وأقولك وأقول لكل المنتدى كل سنة وأنتم طيبين
وإن شاء الله يكون عيد سعيد عليكم جميعا
وتكون قضيتم إجازة رائعة

من طرف **Mohnds** الجمعة 19 نوفمبر 2010, 7:54 pm

ونلتقى من جديد فى المنتدى بعد فترة غياب

اسمى وعنوانى معروفين
بس أقول تانى عشان اللى مش من البلد
اسمى محمد محمد عبد الحميد
عنوانى قرية ميت شريف مركز المنزلة الدقهلية

من طرف **Mohnds** الجمعة 19 نوفمبر 2010, 7:57 pm

عيد الأضحى وأجمل الذكريات
دايما بيكون فى العيد حاجات كده جميلة بتفضل فى ذاكرتنا بعدها
عن نفسي صوت التكبيرات فى صلاة العيد وبعد الصلوات
بيشعرنى براحة وسرور
وطبعا لأنه ذكر لله (ألا بذكر الله تطمئن القلوب)

وطبعا الزيارات مع الأقارب والأصحاب والأحباب
كل اللى مسافر بيرجع بلده
فبتكون فرصة نشوف أحبابنا المسافرين
والبسكويت بقى وحلويات العيد

بس ما أقدرش على الأكل الجامد ده لوحدى
حد يساعد ياجماعة
اتفضلوا معانا

عاوزين كمان براد شاى ياست البيت بعد إذنك عشان الجماعة دول يشربوا
ماينفعش برضه نسيبهم كده

(سكرك كام ياأخينا ؟؟!)

من طرف **Mohnds** الجمعة 19 نوفمبر 2010, 7:58 pm

افتكر لما كنا صغار كان فيه آيس كريم (لعبة بلاستيك)
بس على شكل الآيس كريم بالضبط
فيها زرار لما نضغط عليه يطير الجزء اللى فوق الى على شكل الجيلاتى دا
كنا نمسكا ونعمل كأننا بناكلها
يجى واحد يسأل إيه اللى معانا ده
نقوله تاخد حتة
ونضغط ع الزرار
تطير الكورة فى مناخيره زى الضاروخ
نضحك كلنا

أيام....

من طرف **Mohnds** الجمعة 19 نوفمبر 2010, 7:59 pm

مفتكرش كانت العيدية كام بس كنا بنتسابق على اللى يجمع أكتر أنا وقرايبى هههههه

كنا نصحى الصبح بدرى نصلى الفجر ونجهز لصلاة العيد
بعد الصلاة نسلم على بعض وناخد شوية صور مع أصحابنا
ونرفعها ع المنتدى بس المرة مالحقتش اعمل كده
نرجع نفطر ونسلم على أهالينا ونبدأ زيارات قرايبنا وجيراننا وكده
الظهر يأذن نصلى ونتغدى ونكمل لف
يجى العصر نكون خلاص تعبنا وعاوزين ننام
نتقابل ع العشا نسهر عند واحد من أصحابنا
يا إما بلاي ستيشن أو فول سودانى وترمس أو توصل لعشا بقى

بيكون يوم جميل فعلا

من طرف **Mohnds** الجمعة 19 نوفمبر 2010, 8:00 pm

بقية معارفنا اللى ماشفناهمش بنكلمهم ع الموبايل أو الإنترنت لو بلاد تانية
العيد فى القرية أحلى من المدينة من وجهة نظرى
فى أول يوم بس
المدينة عندهم العيد بيبقى خروجات وفسح فى الجناين وبتطول لكام يوم

مرة واحد افتكر محضرتش العيد مع أهلى
هم اللى سابونى وراحوا مكان تانى (ههههههه)
وأنا رحتلهم بعدها

من طرف **Mohnds** الجمعة 19 نوفمبر 2010, 8:01 pm

لصديقى أحمد مسعد أقوله : يارب العام القادم على عرفات

لصديقى أحمد حمدى أقوله : وحشتنى جدا جدا
لصديقى الأستاذ رفعت أقوله : وحشتنى جدا جدا

لكل أصدقائى وأصحابى : بحمد ربنا الالاف المرات أنه جمعنا

لكل قرايبى عماتى وخالاتى : وحشتنى لمتكم والاكل معاكم

من طرف **Mohnds** الجمعة 19 نوفمبر 2010, 8:01 pm

الحقيقة معرفش مين ممكن يعمل كده
بس ممكن أسأل واعرف

بس أختار : محب فى الله يوزع
وأختارك ياست البيت : حياة الروح انتى سنو ووايت للطبخ
وأنا وأستاذ / أسامه للأكل

والباقى ياكل الفتة اللى عملناها من شوية
ايه نسيتوا
دا احنا طالبين براد شاى مخصوص

هههههه

من طرف **Mohnds** الجمعة 19 نوفمبر 2010, 8:02 pm

أقول لأعضاء منتدى قريتى : يارب يسعدكم دايما ويوفقكم فى حياتكم ويعيد عليكم الأيام بالخير والفرحة والسعادة وكل عام وأنتم بخير

وأشكرك على حسن الضيافة : حياة الروح
مع أن المفروض علينا إحنا إستضافتك فى قريتنا
دا إنتى بتيجى مشوار جامد من البحيرة مخصوص

عموما أشكرك كمان مرة وتحياتى وكل سنة وإنتى طيبة

من طرف **osama822** الجمعة 19 نوفمبر 2010, 9:02 pm

[

size=18]شكرا ياهندسة علي العزومة ولو انني كنت في البلد وماشفتش اكل ولا حاجة الظاهر الاكل كان حلو وطمعت فيه---------------------------- واضافة لحيلة الروح ان جد المهندس رحمه الله كان عمدة البلد بالفعل-----------لذلك فالاستضافة كانت في بيت المهندس-----------شكرا لك حياة الروح علي المواضيع الجميلة وفي انتظار جديدك دائما---------[/size]

00 دوار العمدة ) اتفضل يا ( مهندس ) 000

00 دوار العمدة ) اتفضل يا ( مهندس ) 000

رد: 00 دوار العمدة ) اتفضل يا ( مهندس ) 000

رد: 00 دوار العمدة ) اتفضل يا ( مهندس ) 000

رد: 00 دوار العمدة ) اتفضل يا ( مهندس ) 000

رد: 00 دوار العمدة ) اتفضل يا ( مهندس ) 000

رد: 00 دوار العمدة ) اتفضل يا ( مهندس ) 000

رد: 00 دوار العمدة ) اتفضل يا ( مهندس ) 000

رد: 00 دوار العمدة ) اتفضل يا ( مهندس ) 000

رد: 00 دوار العمدة ) اتفضل يا ( مهندس ) 000

رد: 00 دوار العمدة ) اتفضل يا ( مهندس ) 000

رد: 00 دوار العمدة ) اتفضل يا ( مهندس ) 000